新蒸頭！今日年初三～ 亦都係我黎到懷孕尾聲啦！
38週第5日，真係隨時入院生產！
唔洗返工既日子，暫時日日都忙忙碌碌～ 唔係覆診就係去行街，買送，執屋。加上新年日日都整好多嘢食，比老公，老爺奶奶，爸爸媽媽，同派朋友～ 好開心啊～ 但呢個禮拜終於要停落黎，老公落order話唔再可以自己一個人出街喇～ 每次出去就算覆診都要帶侍衛，所以呢兩個禮拜產檢都由老爺黎車我去～ 真係麻煩曬～
冇嘢做既日子實在會在家胡思亂想～ 最近開始有恐懼既感覺⋯ 好想搵人傾訴，但最近個個都忙於新年，忙於生活～ 然後喺google上查看「產前恐懼症」既資料，越睇越驚，哈哈～ 希望最後呢個禮拜自己會調節一下心情，放鬆D⋯
// my husband says i'm a very cute and pretty pregnant lady, i believe him :) //
懷孕尾聲喇，每次我都係喺都講how I love being pregnant，其實事實上我同所有開心孕婦一樣有幾樣嘢係cannot wait to get over既！
1。 婚戒：我好想帶番我隻婚戒啊！已經好幾個月冇帶過啦，應該係自從懷孕第7個月以後。早上帶上去係冇問題既，問題係晚上除唔番落黎😆 圓咕嚕既手指～ 我唔會掛住你㗎～ 走啦走啦～
2。生冷食物：其實我唔係特別有craving，但只不過總有幾日我係想食清淡D。而平時每次想食清淡D，我地都會去食日本嘢，魚生壽司之類～ 至於生嘢，我好想食魚生，生蠔，6成熟既牛扒⋯
3。維他命丸sss：我實在實在太太太太cannot wait to get over this喇！呢個我應該放喺number 1！每一日我係要食四粒藥丸㗎！平時我係連傷風感冒都唔會食藥既人，而家每日要啪4粒藥丸先可以訓實在非常難受！我食既有止嘔丸1粒，鐵丸1粒，DHA丸1粒，同鈣丸1粒。雖然生BB後如果要喂人奶都要keep住繼續食鈣丸同DHA，但起碼食少2粒我已經好開心啦喇⋯
4。靚鞋：我D鞋啊～ 好掛住你地～ 自從7個月之後，我每日都係著波鞋同UGG。雖然生BB之後都唔會點著高踭鞋，但起碼我D靚靚flats同sneakers可以著番～ 希望腳腫會真正退落黎，人地話生完BB隻腳可能會大咗～ 如果係咁老公就大獲喇，要買過曬D新鞋比我 (*^o^*) sorli monkey大肚臍！
5。訓覺：我知道生完BB係更加冇得訓，但自從我踏入懷孕最後一個月之後，我就算係攰到趴街都要個幾鐘先訓倒亦都係非常痛苦！我張床上面有要五個枕頭圍住我，係五個啊！傻的嗎～ 感覺上同老公中間隔咗條黃河啊～ 就算攰到趴街都訓唔到呢個感覺係超超超超痛苦！肚上面既皮左拉右扯，點放都唔舒服。唔可以向上訓，唔可以向下訓，我係習慣向下攬住個枕頭訓既人啊！有時終於訓著啦，又比旁邊既大爺鼻鼾嘈醒，從頭再數過綿羊⋯
6。體重：cannot wait to 輕番嗰肥咗既23磅，不過呢樣嘢，順其自然啦，會以喂人奶為重⋯ 加油加油！
係咁多喇～
下次寫post既時候應該係BB已經出世喇～
我祝自己一切順利～
新爸爸每日都好緊張啊，愛你愛你 (^ω^)
